إلى كل أخت تخلفت فى ختمتها...ادخلى ومش هتندمى بإذن الله

الحمد لله والصلاة والسلام على رسول الله ( صل الله عليه وسلم)
أما بعد:
(((ادركن مافاتكن من اوراد)))
إلى كل اخت فاتها وردها فى رمضان تحت اى ظروف
و التى تخلفت فى المنتصف فـ تارة تمشي وتارة تسقط
نسال الله لنا ولكن التيسير والقبول
*****
اهدى إليكن تلك السطور
------
------

هنقسم العشر الاواخر
بحيث نكون مركزين مع بعض ولا نتوه من كثرة الجداول
***الصـــــــــــلاة***
صلاة الفروض فى وقتها(
ال بتنشغل عن اداء الفرض فى وقته : ممكن تظبطى منبه قبل ميعاد الصلاة ب 10 دقائق بحيث لو مشغولة تنتبهى وتخلصي ال ف ايدك قبل الصلاة و لو نايمة تلحقى تفوقى وبكده باذن الله نصليهم فى وقتهم)
**
السنن الراتبة: ال هم 12 ركعة نحاول نحافظ عليهم(2 قبل الفجر- 4 قبل الظهر- 2 بعد الظهر- 2 بعد المغرب-2 بعد العشاء غير التراويح)
استحضرى ان ده ممكن يكون اخر رمضان ليكى فبلاش تخلى نضافة العيد وخبيز العيد اولويات وتتركى الأيام المعدودات

الضحى ( ال فايت منها من ختمة القيام ممكن تصلي به فى الضحى علشان تخلصي ختمتك باذن الله)حاولى يا اما تصبري لبعد الشروق بنصف ساعة ده للـ بيسهرو وصلي ونامى/
اما ال بينامو بعد الفجر ظبطى المنبه قبل الظهر بنصف ساعة وباذن الله تصليها
)
القيام:( حاولى قسميها من بعد المغرب الى الفجر وباذن الله تنجزى فى ختمة القيام وكمان ما تتعبيش وانت وخداهم ورا بعض ومتقدريش تكملى من التعب)
======
======
**القــــــــــرآن**
ال خططت لنفسها خنمة وممشيتش عليها تحت اى ظروف
هنحاول نستدرك ما فات
شوفى الخطة فين وهاتيها
ها ..لاقيتيها
الحمد لله
ركزى بقي
شوفى كده يوم 21 رمضان كنت المفروض عليك ايه
مثلا الجزء 21
يبقي تقريه
طيب ازاى وانا متاخرة فى الختمة ولسه ما وصلت ليه؟؟؟
هقولك اهو
هتعملى وقت كده فى اليوم استقطعيه من اى حاجة نومك، مطبخك ،شغل البيت،
كل حاجة ممكن تهون وتعدى الا لشهر ده لو عدى من غير العتق من النيران اخشي والله على نفسي وعليكن من ذلك الوعيد تذكرى كده الحديث ده :. "رغم انف امرئ ثم رغم انف امرئ ثم رغم انف امرئ"
قال الصحابة"خاب وخسر يا رسول الله,من هو؟" قال "من ادرك رمضان ولم يغفر له"
يبقي هتقرى ال ف الجدول عادى وال فاتك استقطعى ليه اى وقت
اتصرفي ده حبيبك النبي بيقول خاب وخسر!!!
أنت متخيلة!!
========
========
**الصـــدقـــة**
ال فى استطاعتها تتصدق لا تبخل
ال ما قدرتش تطلع فى اول الشهر ما تقلقيش الناس ال ربنا ابتلاهم بابتلاء الفقر كتييير دورى بصدق واخلاص والحقى فى العشر الاواخر
=======
=======
**العمـــــــرة**
هنيئا لك يا من استطعت زيارة بيت الله الحرام ولا تنسينا من صالح دعائك
==
==
:::بالنسبة لجلسة الشروق:::

سئل الشيخ ابن عثيمين رحمه الله السؤال الآتي :

هل حديث : ( من صلى الصبح في جماعة ثم جلس يذكر الله ...) إلى آخر الحديث يشمل المرأة ،
وخاصة أنها تصلى في البيت منفردة ، وليست في جماعة ؟
فأجاب رحمه الله تعالى :
هذا الحديث الوارد في ( من صلى الصبح في جماعة ثم جلس في مصلاه يذكر الله تعالى حتى تطلع الشمس ثم صلى ركعتين - يعني بعد ارتفاعها قيد رمح - فهو كأجر حجة وعمرة تامة تامة ) بعض العلماء لا يصححه ويرى أنه حديث ضعيف .
وعلى فرض أنه صحيح يراد به الرجال فقط ، وذلك لأن النساء لا يشرع في حقهن الجماعة ، فيكون خاصا بمن تشرع في حقهم الجماعة وهم الرجال ، لكن لو جلست امرأة في مصلى بيتها تذكر الله عز وجل إلى أن تطلع الشمس وترتفع قيد رمح ، ثم تصلى ركعتين ، فيرجى لها الثواب على ما عملت ، ومن المعلوم أن الصباح والمساء كلاهما وقت للتسبيح وذكر الله عز وجل ، قال الله تعالى : ( يَا أَيُّهَا الَّذِينَ آمَنُوا اذْكُرُوا اللَّهَ ذِكْراً كَثِيراً . وَسَبِّحُوهُ بُكْرَةً وَأَصِيلاً ) " انتهى.
" فتاوى نور على الدرب " (فتاوى الصلاة/صلاة الضحى)
وانظر جواب السؤال رقم : (100009)
والله أعلم .
الإسلام سؤال وجواب
======
======
**الذكر والدعاء**
- هنقول اذكار الصباح والمساء كاملة باذن الله
- وكمان وانت واقفة فـ المطبخ اذكرى الله بصوت مسموع ليك علشان تركزى فـ الـ بتقوليه
- الدعاء بعد كل اذان وفى السجود وعند الافطار ووقت السحر والثلث الاخير خصوصا
قسمى دعائك بحيث لا يغلق عليك و تنسي احد
اكتبيهم فى ورقة لو بتتشتتى وبتبقي مش عارفة تبداى منين؟؟
لنفسك/ لزوجك/ ووالديك /واولادك/ ومن ءامن من اهلك/ والمؤمنين والمؤمنات/ وربنا يهدى العصاة ويثبتنا ع دينه/ ويزوج بنات وشباب وارامل ومطلقين ومطلقات المسلمين والمسلمات /وكل الـ امنك امانة للدعاء بدعوة معينة/ المرضي / وكل من مات على ملة الاسلام / والمكروبين /والمديونين....الخ
=====
=====
=====
ربنا تقبل منا انك انت السميع العليم
يارب تقبل منى ذلك العمل واجعله صدقة جارية عنى وعن والداى وزوجى واولادى
آمين
====
====
====
ادعولى بجد استدرك ما فاتنى وربنا يغفر لى زلاتى والوقت ال بيروح سواء بقصد او من غير قصد وان نفيق من غفلتنا قبل فوات الاوان
انه ولى ذلك والقادر عليه
(ربنا اغفر لنا ذنوبنا واسرافنا فى امرنا وثبت اقدامنا وانصرنا علي القوم لكفرين)
***
احبكن فــ الله
ام عائشة محمد

» ● بإذن الله الحفظـ اليومى ●
» سوف تنـسى همومك -- بإذن الله -- بعد سماعك هذا
» لو قرأ الانسان هذه السور رزق السكينه بإذن الله صالح المغامسي
» خطة تمكن حافظ القرآن من تثبيته بإذن الله تعالى
» طريقة مراجعة وتثبيت حفظ القرآن الكريم بسهولة ويسر حتى يصبح ماهرا متقناً ضابطاً في حفظه بإذن الله

إلى كل أخت تخلفت فى ختمتها...**ادخلى ومش هتندمى بإذن الله**

إلى كل أخت تخلفت فى ختمتها...ادخلى ومش هتندمى بإذن الله