نفسي في يوم أقول : أنا حافظ بجد

نفسي في يوم أقول : أنا حافظ بجد

نفسي في يوم أقرأ القرآن كله بسهولة ويسر كما أقرأ الفاتحة

نفسي في يوم لما يقدموني للإمامة أصلي بأي سورة بثبات

دعني أقول لك:

أنت رائع حقا ،، أمنياتك تدل على أنك تعرف جيدا معنى الإتقان وما هو

سقف طموحاتك ...

لم يبق عليك إلا أن تعمل يا بطل !!

إيه ده .. هو أنا لازم أعمل ...

أكيد!!!

طيب مفيش طريقة سهلة كده

يعني طريقة سهلة كده ؟

يعني تكرار قليل ومجهود قليل علشان أنا مشغول بحاجات كثير

قل لي : يومك ماشي إزاي ؟

8 ساعات نوم ؛ الأطباء بيقولوا أن ده أفضل كمية ساعات للجسم ، وأنت

عارف يا شيخ إن لبدنك عليك حقا !!!

وإيه كمان ؟؟

ولازم - على أقل - ساعتين أشوف الفيس بتاعي وأشوف الدنيا ماشية

إزاي ونشير الصفحات والحاجات دي ..

وإيه كمان ؟؟

وأكل وشرب وشغل قول كمان 10 ساعات والصلاة طبعا ..

طيب فاضل 4 ساعات

ممكن ساعتين للقرآن كل يوم ؟؟ مع أني معترض على توزيع اليوم عندك

ساعتين يا شيخ كل يوم ؟!! مش كثير ؟؟

شوف يا بني ،، أمنياتك دي بتفكرني بقصة لطيفة قوي ..

إيه هي يا شيخ ؟؟

بس دي ممكن تاخد وقت طويل

مش مشكلة .. أنا بحب القصص قوي

شوفت !!

لو أنت بتحب القرآن قوي مش ها تشعر بالوقت خالص وها تبقى عايز

تقعد معاه طول اليوم ، وساعتها مش ها تحتاج حد يقول لك :

قلل ساعات النوم

اقتصر على 10 دقائق فيس بوك

هتلاقي نفسك عايز تعطي نفسك للقرآن بدون حساب ..

ها تحافظ على كل نفس من أنفاسك .. عارف ليه ؟؟

ليه يا شيخ ؟

لأنك أصبحت صاحب تجارة عظيمة مع ربك سبحانه وتعالى .. تجارة لن

تبور .. الحرف بحسنة والحسنة بعشر أمثالها ،، والله يضاعف لمن يشاء

تعرف أنك ممكن 15 دقيقة تقرأ فيها سورة الرعد بخشوع وتدبر ؟؟

تعرف أنك ممكن تراجع 5 أجزاء كل يوم خلال ساعتين بس ؟؟؟

مش عارف أقول لك إيه يا شيخ على النصح ده .. أنا ها أنطلق في حفظ

القرآن وأخلص قبل رمضان بإذن الله

عايز تخلص حفظ القرآن كاملا في مائة يوم بس؟؟

نعم .. أنا عندي حماسة مش عارف أقول لك أد إيه كبيرة قوي

خللي بالك .. كده أكبر غلط

ليه يا شيخ ؟

الشيطان لما يلاقي العبد مقبل على الطاعة بجد ونشاط يأتي له من قِبل

الإفراط والزيادة بحيث ينقطع ولا يستمر ..

وبعدين في حاجة مهمة جدا ..

إيه هي يا شيخ ؟؟

كل حاجة لازم تاخد وقتها ، والاستعجال في الحفظ يؤخرك ولا يقدمك أبدا

ولا تفرح بأنك كل يوم حفظت 10 صفحات ، ، ده حفظ وهمي ولو مش

مصدقني ممكن أحضر لك شاهدا عدلا وحكما مقسطا يصدق على

كلامي ..

مين هو يا شيخ ؟؟

المحراب !!!

في مرة تانية نبقى نكمل كلامنا بإذن الله.

السلام عليكم ورحمة الله وبركاته

سعيد حمزة

» ولا تكلني يا الله إلى نفسي طرفة عين
» نصيحة حافظ
» فضفضة حافظ
» نصيحة حافظ
» بين حافظ وحافظة