(قَالَ رَبُّكَ هُوَ عَلَيَّ هَيِّنٌ)ده شعار حياتك من دلوقت ال عاوزة اطفال وعريس وفلوس

( قَالَ رَبُّكَ هُوَ عَلَيَّ هَيِّنٌ )

كلمة عظيمة اوي انك تواجه الحياه بكلمة (هو علي هين)

هو ربنا يا جماعة بعد ما خلقك من عدم انت لسه شاكك ان في حاجة ربنا ميقدرش يعملها!!!

هو ربنا بعد ما شفى سيدنا أيوب عليه السلام في لسه مريض شاكك ان ربنا ميقدرش يشفيه!!!

هو بعد ماربنا ادى زكريا يحيى فى واحد مننا عقيم لسه مبيخلفش شاكك ان ربنا لسه ميقدرش يديه!!!

بعد كل دا حد شاكك ان ربنا ميقدرش يحلله مشاكل حياته !!!

اه لو عرفنا كلمة يارب ...

اه لو واجهنا الحياة بقدرة ربنا مش بعجزنا...

وبقوه ربنا مش بضعفنا...

وبالثقة فى الله واليقين فى الله ...

"هو على هين" ده شعار حياتك من دلوقتى ياللى عندك مشكله فى رزقك وأمنك وحياتك...

(لو فقدت اتصالك بالبشر لا يمكن أن تفقد اتصالك برب البشر)
في مواقف مينفعش تتصل فيها بالبشر هتتصل بمين؟!

لو وقعت في صحرا مين هينجيك غيره؟؟؟

لو وقعت في نار زي اللي وقع فيها سيدنا ابراهيم مين هينجيك غيره؟؟؟

لو وقعت في بطن الحوت زى سيدنا يونس مين هينجيك غيره؟؟؟

لو حصلك أي أزمة مين يقدر ينجيك...

عشان كده ربنا بيقول لسيدنا يونس (وكذلك ننجي المؤمنين) دى رسالة ليك انت...

ربنا ذكر أصعب الابتلاءات اللي ممكن بشر يُبتلى بيها ليه؟؟!

عشان مهما حصلك بعد كده متقلقش ...

فى اكتر من ان واحد يترمى فى النار وربنا ينجيه ...

في اكتر من واحد يبلعه حوت وربنا ينجيه!!!

لسه شايف مشكلتك ملهاش حل!

الشيخ حازم شومان

» عندما تكون هذه المعادلة أساس في حياتك:
» قَالَ إِبْرَاهِيمُ رَبِّ أَرِنِي كَيْفَ تُحْيِـي الْمَوْتَى !!!
» {هُوَ الَّذِي يُرِيكُمُ الْبَرْقَ خَوْفاً وَطَمَعاً}
» ﴿ یَـٰۤأَیُّهَا ٱلنَّاسُ أَنتُمُ ٱلۡفُقَرَاۤءُ إِلَى ٱللَّهِۖ وَٱللَّهُ هُوَ ٱلۡغَنِیُّ ٱلۡحَمِیدُ﴾
» حياتك لن تستمر فعش ليومك