رحلتي من الخوف من القرآن إلى التغير به

رحلتي من الخوف من القرآن إلى التغير به
كنت بنت عادية مش محجبة وبسمع اغانى وموضوع الدين مش فى دماغى خالص ولكن ده مينعش انى كنت بحاول انتظم فى الصلاة واقرى قرءان من وقت للتانى
لحد ما عرفت ان القران حجة لك أو عليك

وقتها جالى حاله خوف من القرءان وبقيت خايفة اقراه لانى عارفة انى مبعملش بيه
وبقيت لما احب اخد حسنات اذكر ربنا لكن اخاف اتح المصحف

سبحان الله الخوف ده كان قبل هدايتى بوقت قليل
بعدها حصلت احداث وربنا هدانى واتحجبت وبدأت واحدة واحده اتغير
وساعتها رجعت للقرءان وبدأت اقراه وأحاول أطبق الى فيه

وروحت عشان اتعلم اقراه بالتجويد واحفظه
وكل ما احفظ قدر منه اقف مع نفسى وأفكر اتغيرت بيه ولا لأ ؟
وكل ما يجى على بالى ذنب أقول احترمي القرءان الى فى قلبك

غيرت لبسى وانتقبت وصفات كثير فيا غيرتها وبعدت عن كل حاجة تغضب ربنا
وكان فى حياتى وقفات كثير مع نفسى بسبب القرءان

والحمد لله ختمت القرءان حفظ وقدمت فى معهد القرءات عشان اتعلم القرءات العشر
وهبدأ قريب إن شاء الله فى خطوات الإجازة

فسبحان الله من خوف من القرءان الى تغير كامل لحياتى بالقرءان

ادعولى أكون من أهله وأن يذكرنى الله منه ما نسبت وان يعلمنى منه ما جهلت وأن يرزقنى تلاوته والعمل به على الوجه الذى يرضيه عنى
منقول للفائدة

» رحلتي من الخوف من القرآن إلى التغير به
» الخوف من الله للشيخ محمد مختار الشنقيطي موعظة ((مؤثرة جدا)) ومبكى
» دورة أهل القرآن | طريقة حفظ القرآن في ستين يوما بطريقة الماضي القريب والماضي البعيد
» أهل القرآن ؟ 3 / 13 حلقة هامة لمحبي القرآن من قناة الرحمة
» أهل القرآن ؟ 4 / 13 حلقة هامة لمحبي القرآن من قناة الرحمة